မိုးရာသီရဲ့ အသည်းနှလုံးလေးကို သိပါသလား။ မိုးရာသီဆိုတာ ဖားနဲ့ ခွဲလို့မရအောင် အလွန်လိုက်ဖက်လွန်းတဲ့အရာကြောင့် ဖားကို မိုးရာသီရဲ့ အသည်းနှလုံးလေးလို့ ပြောတတ်ကြပါတယ်။မိုးရာသီမှာ ဖားဟင်းနဲ့ ကြက်သားဟင်း မလဲနိုင်လောက်အောင် ဖားသားကလည်း စားလို့အရမ်းကောင်းပါတယ်။ဖားကို ချက်နည်းတွေအများကြီးထဲကမှ ပုံမှန်ချက်နေကြပုံစံတွေနဲ့ ကွဲထွက်နေတဲ့ ဖားကြော်နည်းလေးကို ပြောပြပါမယ်။
အရမ်းကိုလွယ်ကူတဲ့နည်းလမ်းလေးကတော့…
ပါဝင်ပစ္စည်းလေးတွေက
ဖားခြေထောက် ၁၂ ချောင်း
ကြက်ဥ ၂ လုံး
သံပုရာရည်
နံနံပင် (လှီးထားသော)
ပေါင်မုန့်ခြောက်
ဆား
ငရုပ်ကောင်း
ဆီ
တို့ပဲ ဖြစ်ပါတယ်။
ဘယ်လိုလုပ်ရမလဲ….
အရင်ဆုံး ဆီပူအောင်ထားပါ။ဖားကို အပေါ်အရေခွံချွတ်ပြီး သေချာဆေးပါ။ရေဆေးပြီးလျှင် သံပုရာရည်၊ ဆား၊ ငရုပ်ကောင်းတို့ကို ဖားနဲ့ရောနယ်ပါ။ပြီးလျှင် ခေါက်ထားသောကြက်ဥထဲသို့ ဖားကိုနှစ်ပါ။ပြီးလျှင် ပေါင်မုန့်ခြောက်ထဲ ထပ်နှစ်လိုက်ပါ။အားလုံးပြီးလျှင် ဆီပူပူထဲသို့ ထည့်ပြီး ၄ မိနစ်ကြာတဲ့အခါ ဖားများကို ဆယ်လိုက်ပါ။ဆီဆစ်ပြီးလျှင် ပူပူမွှေးမွှေးလေးနဲ့ ဖားပေါင်သားကြော်ကို စားလို့ရပါပြီ။
ဖားသားကြိုက်တဲ့ ( သို့မဟုတ် ) ဖားကြောက်တဲ့ သူငယ်ချင်းကို မန်းရှင်းခေါ်ပြီး share ခြင်းဖြင့် ကူညီပါ ( သို့မဟုတ် ) ဆေးထိုးလို့ရပါတယ်။
အိမ်မှာမစားချင်တဲ့သူတွေအတွက် ဆိုင်မှာသွားစားချင်တယ်ဆိုရင်တော့ https://s.yathar.com/apps ထဲက စားသောက်ဆိုင်တွေကို ရှာဖွေလို့ရပါတယ်။
